როგორ ვატარო
გადმოიწერე და დარეგისტრირდი
გადმოწერე Qari App (iOS ან Android), დარეგისტრირდი და ატვირთე მართვის მოწმობა. აირჩიე გადახდის ფორმა.
იპოვე და დაჯავშნე
ყველა თავისუფალი მოპედი რუკაზეა ასახული. დასაჯავშნად დააჭირე შენთან ყველაზე ახლოს მყოფს. ჯავშნის პირველი 5 წუთი უფასოა. მოპედის საჭეზე იპოვი QR კოდს. დაასკანერე აპლიკაციიდანვე და ეგ არის - მოპედი შენს განკარგულებაშია.
შეამოწმე მოპედი
სანამ რაიდს დაიწყებ, ჯობს მოპედი კარგად შეამოწმო დაზიანებებზე. აპლიკაციაში შენი არჩეული მოპედის გასწვრივ რეპორტის ღილაკია. დააჭირე და მოგვინიშნე დაზიანებული ნაწილები, გადაუღე ფოტოები
დაიწყე რაიდი
მოპედის ჩართვისას გაიგებ სიგნალს და ეკრანიც აინთება. შემდეგი ეტაპი ჩაფხუტია.
ჩაფხუტი
საბარგულს წითელი ღილაკით გახსნი. შიგნით იქნება ორი სხვადასხვა ზომის ჩაფხუტი. (თუ ნაკლები დევს, აპლიკაციის მეშვეობით დაარეპორტე ან მოგვწერე). მოირგე ერთჯერადი ჰიგიენური ქუდი, კარგად შეიკარი ჩაფხუტი.
მომართე მოპედი
გადმოიყვანე მოპედი სადგომიდან და დააყენე სამართავ პოზიციაში.
ჩართე
დააჭირე “Start”-ს (მწვანე ღილაკი საჭის მარჯვენა მხარეს) და გეჭიროს სანამ ეკრანზე არ აინთება „Ready.”
ატარე
ჩვენი ოპერირების ზონები რუკაზეა დატანილი - ესაა სადაც ვმოძრაობთ. მოუფრთხილდი თავს და სხვებსაც - განსაკუთრებით წვიმის დროს, ნაწვიმარზე ან ციცაბო დაღმართებზე. ქარი უხმოა, ამიტომაც სიგნალები და სარკეები ხშირად გამოგადგება. საგზაო მოძრაობის წესებსაც ვიცავთ რა თქმა უნდა.
გააჩერე
მოპედის გაჩერება შეგიძლია ქალაქის ნებისმიერ მწვანე (საპარკინგე) ზონაში. დააყენე ისე, რომ ხელი არავის შეეშალოს.
დააბრუნე ჩაფხუტი
რაიდის დასრულებამდე გადაამოწმე ჩაფხუტები - ხომ ორივე საბარგულშია. დაზიანებასა ან დაკარგვაზე ჯარიმაა.
დაასრულე რაიდი
დატოვე მოპედი პარკინგის ზონაში (აპლიკაციაში მწვანედ მონიშნული ადგილები) და აპლიკაციაში მონიშნე "ქარის დასრულება". გთხოვთ დააპარკინგოთ პასუხისმგებლიანად
ფოტო
გადაუღე პარკირებულ მოპედს ფოტო აპლიკაციის საშუალებით. გაითვალისწინეთ პარკირების წესები.
გადაიხადე
რაიდის საფასური ტარების წუთების მიხედვით ითვლება, თანხა კი დასრულების მერე გეჭრება იმ ფორმით, რაც დაწყებამდე აირჩიე. ტარიფებსა და აქციებს აქ გადახედე: qari.co/pricing
100% ელექტრო
ქარი ეკოლოგიური ტრანსპორტია - მოპედებს ელექტროობა ამოძრავებს. ელემენტების დატენვაზე კი ჩვენ ვზრუნავთ.
შეკითხვები